Vleisberg Simbras het in 2003 tot stand gekom. Die kudde het aanvanklik bestaan uit koeie wat “ge-cumkeur” was, en is met verloop van tyd uitgebrei deur selektiewe aankope by ander telers. As gevolg van beperkte spasie/weiding, word daar ‘n swaar klem geplaas op kwaliteit eerder as kwantiteit.

Daar word gekonsentreer daarop om, hoewel die Genootskap die ras beskryf as ‘n medium raam moederras, funksioneel doeltreffende diere te produseer wat vleis dra en kan reproduseer onder ekstensiewe toestande. Gevolglik word die klem geplaas op reproduserende vleisproduksie onder ekstensiewe toestande.   Die Simbra ras wat by uitstek geskik is om te sorg vir wins uit gras, is dus die logiese keuse om mee te boer onder ekstensiewe toestande op rooiwater en galsiekveld te Elandskuil, Ventersdorp.

Daar word gepoog om deur middel van moderne teeltegnieke soos byvoorbeeld DNA ontledings en Breedplan teelwaardes op ‘n wetenskaplike wyse te teel, met die doelwit om volgehoue verbetering in die kudde te bewerkstellig. Die kudde staan onder die toegewyde sorg van my ouers, Johan en Hannie Bester.

Dankie dat u na die webblad gekyk het en ek hoop dat u dit interessant gevind het en nou meer weet van Vleisberg Simbras, asook van die Quatro groep. Belangstellendes is altyd welkom om met my te skakel of om ‘n besoek af te lê.

Vleisberg groete,
Kobus Bester