Quatro Simbra

Meer Oor SSS Simbra

Supertalers

Simbra Galery

Kontak Inligting

Supertaler is 'n sintetiese ras ontwikkel uit die inheemse Nguni en die Europese Pustertaler.

Nguni is wyd bekend vir sy gehardheid, langlewendheid, siekteweerstandbiedendheid, vrugbaarheid, goeie temperament, vleisgehalte en waardevolle vel. Daar kan beslis 'n parallel getrek word met die Nguni en Die Pustertaler tov al bg eienskappe- alhoewel Pustertaler onder uiterste Europese toestande.

Dr.Thomas Grupp van Munchen ( ek kry nie die umlautteken nie!) het hierdie byna uitgestorwe ras ,met dieselfde kleurpatroon as die Nguni , in die Tiroolse Alpe ontdek ( aanvanklik net omtrent 60 koeie). Soos met die Nguni in SA gebeur het,was hy vèrsiende genoeg en het hy hierdie ras deur 'n aantal prysenswaardige aksies van uitsterwing gered.

Ken en Tertia Baxter ( bekende Simmentalertelers van Piet Retief, Mpumalanga) het tydens 'n vakansie in Oostenryk van hierdie diere gesien en in samewerking met die destydse Dept. Landbou en die Sim- Sim Genootskap'n aantal embrios ingevoer. Hy is huidig die enigste eienaar van suiwer Pustertalerbeeste in SA.

Daar is ook deur die Sim/Sim Genootskap 'n hoeveelheid semen ingevoer 'n Aantal Ngunitelers ,waarvan ek toevallig een was, is genader om 'n projek te begin om met die twee rasse 'n sintetiese ras te ontwikkel. Daar het alles begin...

Huidig bestaan my kudde uit omtrent 100 vroulike diere - wat meestal 50/50 kruisings is. Die teelbeleid is oop en die gebied waar jy boer dikteer die bloedaandeel van jou twee ouerrasse.

My kudde presteer uitstekend onder uiters ekstensiewe toestande . Koeie is medium- tot kleinraam. Wat my die meeste beïndruk, is die speenverhouding, dws

Speenmassa van kalf x100
Koeimassa by speen

Daar het al 'n enkele kalf 72% van sy moergewig gespeenen gemiddelde speenverhoudings van 55-60% is die normale.

Ek boer ook met suiwer Ngunis en dit is my lieflingbeeste - maar hier speen ek swaarder kalwers ( 30-40kg swaarder) met net sulke mooi velle, onder dieselfde toestande.

____________________________________________________________________________________________________________________________________________________________________________________________________________________________________________________________________________________________________________________________________________________________________